'Joke' n 'SMS', Whats app message sharing platform…

Ranj Ki Jab Guftaguu



Ranj Ki Jab Guftaguu Honay Lagi;

Aap Se Tum Tum Se Tu Honay Lagi;



Chahye Paighambar Dono Taraf;

Lutf Kia Jab Du-Ba-Du Honay Lagi;



Meri Ruswayi Ki Naubat Aagayi;

Unki Shohrat Qu-Ba-Qu Honay Lagi;



Be Niazi Badh Gayi Hai Is Qadar;

Aarzoo Ki Aarzoo Honay Lagi;



Ab To Mil Kar Dekhiye Kya Rang Ho;

Phir Hamari Justajuu Honay Lagi;



‘Daagh’ Itraaye Hue Phirtay Hain Aaj;

Shaayad Unki Aabruu Honay Lagi!